( سالفة نورة ) طالبة بالثانوية تلجأ لدورة المياه

اعجبتني كثيييرا ,,, اسمعوها ,, نص + فيديو مع القصة

شعر مؤثر جدا يحكي قصة حقيقية لطالبه في الثانوية متفوقه …..في الصف لكن

سوالف ربعي البارح شي ن شدني فيها –
وخلا مارد إلهامي يسجل عندي حضوره –
جابوا سالفة نوره ف قصه وقلت أبرويها –
ف صف الثانوي تدرس كما هي عاد مذكوره –
حكت عنها زميلتها وقالت حق آخيها –
هناك بنيه بصفي شكلها حيل مغروره –
فآخر صفنا تجلس ولا حدن يضاهيها –
دايم تطلع الأولى وع بالي البنت هاموره-
لكنا نطلع الفسحه وبيت الراحه يأويها –
قلنا يوم أو يومين ثلاث أيام معذوره –
ولكن ع الوضع دايم من أولها لتاليها –
وإحنا نشتري وناكل ونعمل مع بعض هوره –
بصراحه الشك من يدخل قلوب الناس يعميها –
ويجعل كل أبونادم يخرج عاد عن طوره –
بلغنا مديرتنا تشوف البنت وش فيها –
تبعتها ولا سمعت خرير الماي له دوره –
دق الجرس طلعت دخلنا وجت تناديها –
فلانه شفيك !! ميهوده !! تبي تزورين دكتوره ؟
قالت لا يا أستاذه ! مابي عله وأشكيها –
لكن عادها دموعي وهي ع الخد منثوره –
ما ابي حد يلمحني وأنا أهل بعباريها –
أخجل من زميلاتي وأنا ماني بمضروره –
وأنا عيني بصيره بس مثلي مقصر يديها –
ومابي ف عين زميلاتي أهز لوالدي صوره –
كثر خيرها الدنيا ماجت كيف يبغيها –
مو ذنبه الحظوظ إن جات ع دربه تطيح معثوره –
ومو ذنبه أجي أمشي وغيري من يوديها –
ومو ذنبه بعد نسكن ف حاره شبه مهجوره –
مو ذنبه وأنا تعودت على الدنيا ومآسيها –
وياريتك بس يا أستاذه تعرفي القلب ش شعوره –
إذا غرت فقط دمعه ف عين أمك وشفتيها –
وأنا دمعة أبو تطيح قدامي بلا شوره –
هنا تبكي مديرتها وبكوا كل الحواليها –
خذتها بالحضن قالت أنا بهالبنت مبهوره –
وأنا كل م اكتب الكلمه تهل دمعه وتمحيها –
وأردد لعنبو ذاك الفقر وش جابه لنوره –
ترا كل الشرف ناله ف ذاك الصف كرسيها –
وشنطة عامها الماضي أم سيور مبتوره –
وتنورة إختها الكبرى وشيلتها وجوتيها –
وعبايتها بعد كانت بخيط اليد مقصوره –
نرى ضحكة عيون الناس ولا ندري بخافيها –
تبان بسمح المحيا مير النفس مكسوره –
من العفه ليا تقبل تحسب العز مكسيها –
وهو ف الواقع الجوهر يعاكس باطن الصوره –
إذا حط الفقر نابه وش اللي منه يحميها –
تعزي حالها بالصبر واهي تموت مقهوره –
سلام الله على نوره وسلام الله ع طاريها –
وسلام الله على وقت ن تعش بظل دستوره –
كذا كانت حكايتها ونقصني بس أسميها –
وعادة شاعر ن مثلي يهمه رأي جمهوره –
إذا جينا نعنونها !! قولوا !! وش نسميها ؟
بسيطه !! إفتحوا قوسين وحطوا (سالفة نوره).

فيديو القصة و القصيدة “رائعة”

بواسطة : admin

شاهد جميع مقالات

مقالات ذات صلة